ஆஸ்துமா நோயாளிகள் தவிர்க்க வேண்டிய சில விஷயங்கள்-

 நோயாளிகள் என்று சொல்லும் போது நோய் குணமாக அந்த நோயாளி தள்ளத்தக்கது எது? கொள்ளத் தக்கது எது? என்று டாக்டர்கள் கூறுவதுண்டு. அது உணவாகவும் இருக்கலாம். அல்லது சில பழக்க வழக்கங்களாகவும் இருக்கலாம். 

நாட்டு வைத்தியர்கள் இவற்றைப் பத்தியங்கள் என்று கூறுகிறார்கள் மருந்து சாப்பிடுங்காலத்திலும் குணமான பிறகும் சில நாட்கள் சில உணவு வகைகளை உடல் சம்பந்தமான சில பழக்கவழக்கங்களை ஒதுக்கிவைக்க வேண்டும் என்று யோசனை கூறுகிறார்கள்.

பொதுவாக, எல்லா நோய்களூக்கும் இன்னின்னது ஆகாது. என்று சொல்வது வழக்கம். சாப்பிடக் கூடாதவற்றைச்சாப்பிட்டால் நோய் குணமாகாது. மருந்தும் வேளை செய்யாது. எந்த வைத்தியமானாலும் உணவுக் கட்டுப்பாடுகள் உண்டு என்பதால் அவற்றை நோயாளிகள் தெரிந்து வைத்திருப்பது நல்லது அல்லவா?.

'நோய் குணமாக வாயைக் கட்டு, வயிற்றைக் கட்டு என்று நாட்டு வைத்தியர்கள் சொல்லுவது இயற்கை. உணவு வகைகள் சில வயிற்றைப் பாதிக்கின்றன. 

உணவே மருந்து, மருந்தே உணவு என்று கிரேக்க மருத்துவத் தந்தை என்று அழைக்கப்படும் ஹிப்போகிரேட் சொல்லுவார்.

ஆஸ்துமா நோய் பரம்பரையில் இல்லாமலும் வரலாம். எந்தக் காரணத்தால் வந்தாலும் குடிப்பது.குளிப்பது, உண்ணுவது ஆகிய விஷயங்களில் மிகவும் கவனமாக இருக்கவேண்டும்.

குடிப்பது என்று சொல்லும்போது காப்பி, டீ, மது வகைகள் குளிர்பானங்கள் சாப்பிடக் கூடாது. மது வகைகள் குளிர் பானங்கள் சாப்பிடக்கூடாது! மது வகைகள் அறவே கூடாது. ஐஸ் வாட்டர், ஐஸ் கிரீம் ஆகியவற்றைத் தொடக்கூடாது என்று கூறுவர். 

ஏற்கண்டிஷன் அறைகளிலும் இவர்கள் இருக்கக் கூடாது என்பர். உடலின் வெப்ப அளவு குறையும்போது குளிர்ந்த உணவுகளைச் சாப்பிடக் கூடாது. பழங்கஞ்சி உணவு ஆகாது. ஆறிப்போன உணவு வகைகளை ஒதுக்க வேண்டும்.

தண்ணீர் குளியல் ஆகாது. எண்ணெய் முழுக்குக் கூடாது வெந்நீரில்தான் குளிக்கவேண்டும். தலையில் உடலில் ஈரமில்லாமல் துணியினால் துவட்டிவிட வேண்டும். குளித்த பிறகு குளிர்ந்த காற்று உடலில் படக்கூடாது.

ஆஸ்துமா நோயாளிகள் விருந்துகளில் கலந்து கொள்ள கூடாது. அங்கு பல்சுவை உணவுகளைப் பறிமாறுகிறார்கள். காய்கறி, கிழங்கு, பழவகைகள், ஐஸ்கிரீம், பால் கோவா ஆகியவற்றுள் சில உடம்புக்குக் கெடுதலைச் செய்யும். வாழைப் பழம், தக்காளி, உருளைக் கிழங்கு, மோர், தயிர்கூடச் சில சமயங்களில் சில ஆஸ்துமாக்காரர்களுக்கு ஒந்துக் கொள்வதில்லை. முற்றிய 

வாழைக்காய், சேப்பங்கிழங்கு, மஞ்சள் பூசணி இவையும் ஆஸ்துமா காரர்களுக்கு ஆவதில்லை. இரவில் பால் சாப்பிடுவது கூட இவர்களுக்குச் செரிமானக் குறைவை உண்டாக்கித் தொந்தரவு கொடுக்கும்.

முந்திரிப் பருப்பு, மணிலாக் கடலை, பலாப் பழம், வாழைப் பழம், பேரிச்சை, தக்காளிப் பழங்கள் இழுப்பைத் தூண்டுவதால் இவற்றையும் ஆஸ்துமா நோயாளிகள் விலக்கவேண்டும்.

உணவில் சில செரிமானம் ஆகாமல் தொந்தரவு கொடுக்கும் இறைச்சி, முட்டை, மீன் வகைகளில் குளத்து மீன் ஆகியவற்றை ஒதுக்க வேண்டும். எளிதில் ஜீரணமாகாத உணவுகள் விஷயத்தில் இவர்கள் கவனமாக இருக்க வேண்டும்.

எந்தெந்த உணவு வகைகளைச் சாப்பிட்டால் தொந்தரவு உண்டாகிறது என்று இவர்கள் ஒவ்வொரு நாளும் கவனித்து வந்து அந்த உணவை நீக்கவேண்டும். கத்தரிக்காய் சாப்பிட்டால் சிலருக்கு ஒத்துக் கொள்வதில்லை. வெண்டைக்காய் சிலருக்குத் தொந்தரவு தருகிறது. முள்ளங்கி சாப்பிட்டால் சிலருக்கு உபத்திரவம் ஏற்படுகிறது.

திருமணமான ஆண் ஆஸ்துமா நோயாளிகள் விலக்க வேண்டிய பல விஷயங்களில் ஒரு முக்கியமான் விஷயம் தாம்பத்திய உறவு. இவர்கள் இரவில் அதிக நேரம் கண் விழிப்பதும், இன்ப சுகங்களில் அதிக நேரம் நாட்டம் செலுத்துவதையும் தவிர்க்க வேண்டும். உயிரணு நஷ்டம் இந்த நோயாளிகளுக்கு இழக்கக் கூடாத ஒன்று. ஆகவே அளவோடு நடந்து கொள்ளவேண்டும்.

இதுவரை ஆஸ்துமா நோயாளிகளுக்கு ஆகாது, கூடாது, ஒத்துக் கொள்ளாது, ஏற்காது என்று சொல்லப்படும் விஷயங்களை மட்டுமே சொல்லி வந்தேன். காரணம் நாம் தெரிந்து கொள்ளும் விஷயங்களில் ஆகாதவற்றைச் சொல்லிவிட்டால் நோயாளிகள் கூடுதல் தொந்தரவுகளைக் குறைத்துக்கொள்ளலாம். ஆகவே தவிர்க்கவேண்டிய வற்றை முதலில் கவனியுங்கள். தொந்தரவுகள் தொலை தூரம் ஓடிவிடும்.