ஊதுகாமாலை என்றால் என்ன? நோயை தடுக்கும் வழிமுறைகள்

ஊதுகாமாலை 

✷மஞ்சள் காமாலை நோய் பற்றிக் கேள்விப்பட்டிருப்பீர்கள். ஆனால் ஊது காமாலை நோய்பற்றிக் கேள்விப்பட்டிருக்க மாட்டீர்கள்.

✷கிராமப் பகுதிகளில் இந்தப் பெயர் பிரபலமடைந் திருக்கிறது. நோயாளிக்குக் கை, கால், வயிறு, முகம் ஊதிப்போய் பார்ப்பதற்கே விகாரமாய்த் தோன்றும்.

✷இது போல வேறுசில நோய்களுக்கும் வயிறு முகம் வீங்கிக் கை கால்கள் நீர் சுரந்தும் காணப்படுவது உண்டு.

✷இந்த நோய் வந்தால் மேனியெல்லாம் வெளுத்துக் காணப்படும். இரத்தச் சோகை நோய் உள்ளவர்களுக்கும் உடம்பு வெளுத்திருக்கும்.

✷இதனால் சிலர் சோகை நோய் என்று கருதி அதற்குரிய மருந்துகளை சாப்பிட ஆரம்பித்துவிடுவார்கள்.

✷ ஊது காமாலை நோய் சாமானியத்தில் குணமாவது இல்லை. இதை நீராம்பல், மகோதரம், பாண்டுரோகம் என்றும், ஆங்கிலத்தில் Ascites என்றும் சொல்லுகிறார்கள். 

✷சிலர் டிராப்ஸி என்றும் பல பெயர்களில் ஆங்காங்கே வழங்குகிறார்கள்.எல்லாம் இதன் இனத்தைச் சேர்ந்தவை.

✷இந்த நோய் எந்த வயதினருக்கும் வரும். இதைக் கவனிக்காமல் விட்டுவிட்டால் விபரீதங்களும் உண்டாகலாம்.

✷வீங்குவது ஒன்றே இதன் வெளி அடையாளம்.

✷ஊதுகாமாலை நோய் எதனால் ஏற்படுத்துகிறது என்று ஆராய்ந்தவர்கள் ஆல்புமின் சிறுநீரோடு வெளியேறுவதால் இந்தக் கோளாறு ஏற்படுவதாகக் கண்டுபிடித்திருக்கிறார்கள்.

ஊது காமாலை நோய்

✷இது உடம்புக்குத் தேவையான புரதச்சத்து.இந்தச் சத்து உடம்பில் ஒட்டாமல் வெளியேறுவதால் உடம்பு வீங்குகிறது. இதனால் இருதயத் துடிப்பும் பாதிக்கிறது.

✷முறைப்படி சிகிச்சை செய்து கொள்ளாவிட்டால் உயிருக்கு ஆபத்து ஏற்படும் என்று டாக்டர்கள் எச்சரிக்கை செய்கிறார்கள்.

✷மஞ்சள் காமாலை நோய் கல்லீரலில் ஏற்படும் கெடுதலால் உண்டாகிறது. ஊது காமாலை சிறுநீர்ப் பிரித்திகளில் ஏற்படும் கோளாறுகளால் உண்டாகிறது. 

✷இதனால் இது வேறு நோய் கல்லீரலுக்கும் இதற்கும் சம்பந்தமில்லை. இந்த நோயை அறியச் சிறுநீரைச் சோதனை செய்தால் போதும். 

✷அல்புமின் பால் போல் சிறுநீருடன் கலந்து வெளியேறுவது தெரியும். உடனே இதைத் தடுத்து நிறுத்த மருத்துவச் சிகிச்சை செய்துகொண்டால் சீக்கிரம் குணப்படுத்தலாம்.

✷பொதுவாக, இந்த நோய் வரக் காரணம் உடம்பி அதிக அளவில் உப்புச் சேர்த்துவிடுவதுதான் என்கிறார்கள் டாக்டர்கள்.

✷உப்பை உணவில் குறைக்க வேண்டும். இது மிக முக்கியம். அதிமுக்கியம்.

✷சிறுமிகளுக்கும் சிறுவர்களுக்கும் இந்த நோய் வந்தால் வயிறு சுரந்து பேதியாகும். உடல் வெளுத்து முகம் ஊதி உடம்பில் வலி உண்டாகலாம்.

✷இதற்குச் சித்த வைத்தியத்தில் நிறைய மருந்துகள் சொல்லப்பட்டிருக்கின்றன.

✷மஞ்சள் கரிலாங்கண்ணி இலை, அருகம் புல், மிளகு,துளசி சேர்த்து அரைத்துக் கொடுக்கிறார்கள்.

✷காட்டாமணக்கு இலையை இடித்துச் சாறு பிழிந்து கொடுக்கிறார்கள். இதற்கு உப்பும் புளியும் சாப்பிடக் கூடாது என்று பத்தியம் உண்டு. உப்பிலாக் கஞ்சிதான் இந்த நோயாளிகளுக்கு ஆகாரம்.

✷சீமை அத்திப்பழத்தைப் பசும் பாலில் காய்ச்சி சர்க்கரை போட்டுக் கொடுக்கலாம்.

✷பதநீர் கொடுக்கலாம். காப்பி டீ கொடுக்கக்கூடாது.

✷நோய் என்று தெரிந்ததும் உடனே சிகிச்சையை ஆரம்பிக்க வேண்டும். காலம் தாழ்த்தக் கூடாது.

✷குழந்தைகளுக்கும், கர்ப்பமான பெண்களுக்கும் இந்த நோய் வந்துவிட்டால் மிகவும் கவனமாகச் சிகிச்சை தரப்படவேண்டும்.

✷உப்பைக் குறைத்தால் இந்த நோயை ஊதி அணைத்து விடலாம்.

✷ஊது காமாலையைக் கண்டு அச்சப்படாதீர்கள்.

✷சிறுநீரகம் பாதிக்கப்படாமல் பார்த்துக் கொண்டால் ஊது காமாலையை ஒழித்து வெற்றி மாலை சூடலாம்!