வயிற்றில் ஏற்படும் எரிச்சலை போக்கும் வழிமுறைகள்

 நாம் Blow jaundice உணவு ஜீரணிப்பதற்காக இரைப்பையில் ஹைட்ரோகுளோரிக் அமிலம் உற்பத்தியாகிறது.

இதுபோலவே பித்த நீர்ப்பையில் பித்த நீர் சுரக்கிறது. இது கொழுப்புப் பொருட்களைக் கரைக்க உதவுகிறது. இந்த அமிலத்தால் அல்லது பித்த நீரால் இரைப்பையின் மெல்லிய ஜவ்வு பாதிக்கப்படலாம். புண்ணும் உண்டாகலாம்.

நாம் உண்ணும் உணவில் காரம், புளி, மசாலாப் பொருட்கள் அதிகமாகச் சேர்ந்தால் வயிற்றில் புண் உண்டாகும்.

புகை பிடிப்பது, மது அருந்துவது, இவற்றாலும் வயிற்றில் புண் உண்டாக இடம் உண்டு.

வலி போக்கும் சில மருந்துகள் வயிற்றில் கோளாறுகளை உண்டாக்குகின்றன.

நம் மனத்தில் ஏற்படும் கவலை, கோபம், பரபரப்பு ஆகிய உணர்ச்சிகளால் நரம்பு பாதிக்கப்படுகிறது. அமிலம் அதிகமாக ஊற்றெடுக்கக் காரணமாகிறது.

இதனாலும் வயிற்றில் புண் ஏற்படும்.இது தவிர, வயிறு முட்டச் சாப்பிடுவதாலும், வயிற்றைக் காலியாகப் போடுவதாலும் வயிற்றில் புண் உண்டாகும். எந்தக் காரணத்தால் வயிற்றில் புண் ஏற்பட்டாலும்

அது இரைப்பையைத் துளைத்துவிடும். சிலருக்கு இரைப்பையில் அடைப்பும் உண்டாகலாம். புண் காலப் போக்கில் புற்று நோயாகவும் மாறும்.

உண்ணும் உணவினால் மட்டும் வயிற்றுக்குக் கேடு வருவதில்லை.

உள்ளத்தின் உணர்ச்சிகளாலும் வயிற்றுக்குக் கேடு உண்டாகிறது.

இந்தக் கேடுகளில் மொத்த உருவம் வயிற்றில் வலி,ஒருவித எரிச்சல்.பெரும்பாலும் வயிற்றில் புண், குடலில் புண் இவை உண்டாகும்போது வயிற்றில் எரிச்சல் உண்டாகிறது.

 இரைப்பை - சிறுகுடலின் ஜவ்வுகள் அரிக்கப்படுவதால் வலியும், அமிலம் அதில் படும்போது எரிச்சலும் நோயாகவும் மாறும்.

அடிவயிற்றைப் பிசைவது போன்ற உபத்திரவம் உண்டாகிறது. உபத்திரவத்திற்குக் காரணமே அதிகமாகச் சுரக்கும் திரவம்தான்.

இந்தத் திரவம் இரைப்பையில் குழிப்புண்ணும், சிறு குடலில் குழிப்புண்ணும் தோன்றுவதற்கு மூலகாரணம்.

தொப்புளைச் சுற்றி வலி முதலில் ஆரம்பமாகும். பிறகு வலப் பக்கத்தில் வலி எடுக்கும். வலி தொடர்ந்து வராமல் விட்டு விட்டு வரும். இந்த நேரத்தில் வாந்தி எடுத்தால் இரத்தம் வரும். மலத்தின் நிறம் கறுப்பாக இருக்கும்.

வேகஸ் நரம்புகளும், பெப்சின் நொதியும் சூடேறுவதால் வயிற்றில் எரிச்சல் உண்டாகும். இவற்றைக் குளிர வைத்தால் வலி நிற்கும். எரிச்சல் மறையும்.இதற்குப் புதிய புதிய மருந்துகள் இப்போது வந்திருக்கின்றன.

வயிற்றில் வந்திருப்பது இரைப்பைப் புண்ணா,சிறு குடல் புண்ணா என்று அறிந்து கொள்ள எண்டார்ஸ்கோப் என்னும் நவீனக் கருவியை வாய்வழியாக விட்டு இதோடு இணைக்கப்பட்ட குழாய் மூலம் கவனித்துக் கண்டுபிடிக் கிறார்கள்.

இந்த இடங்களை உள்ளது உள்ளபடி போட்டோ எடுத்தும் பார்க்கலாம். உள்ளே என்ன கோளாறு என்று அந்த இடத்திலுள்ள திசுக்களைச் சுரண்டி எடுத்து பயாப்சி செய்தும் கண்டறி கிறார்கள்.

இந்தப் புண் பெப்டிக் அல்சரா, அல்லது டியாடெனல் அல்சரா என்றும் கண்டுபிடிக்க இந்தக் கருவிகள் உதவு கின்றன.

வயிற்று எரிச்சலை போக்க என்னென்ன செய்ய வேண்டும் ?

1. வயிற்றில் எரிச்சலைத் தூண்டுவது வயிற்றுப் புண் என்பதால் இந்த நோயினால் பாதிக்கப்பட்டவர்கள் காப்பி குடிப்பதை நிறுத்திவிட வேண்டும்.
2.  காப்பியிலுள்ள காஃபின் விஷம் ஹைட்ரோகுளோரிக் அமிலத்தை அதிகமாகச் சுரக்க உதவுகிறது. ஆகவே இந்தப் பழக்கத்தை நிறுத்திவிட்டுப் பால் நிறையக் குடிக்க வேண்டும். 
3. வயிறு காலியாக இருக்கும்போது சிலர் சிகரெட்டை ஊதித்தள்ளுவார்கள். இதுவும் தவறு. 
4. புரதப்பொருள் நிறைத் தயிர், முட்டை இவைகளைச் சாப்பிடவேண்டும். பாலுடன் தேன் கலந்து சாப்பிட வேண்டும். 
5. வயிற்றில் எரிச்சலைத் தூண்டும் மிளகாய், மிளகு, கடுகு, ஊறுகாய் ஆகியவற்றைக் கொஞ்ச காலத்திற்கு ஒதுக்கிவைப்பது நல்லது. 
6. அதிகச் சூடான ஆகாரங்களையும் அதிகக் குளிர்ச்சியான ஆகாரங்களையும் சாப்பிடக்கூடாது. உடலுக்கும் மனத்திற்கும் நல்ல ஓய்வு கொடுக்க வேண்டும். மனத்தால் எந்தக் காரியத்திற்கும் எரிச்சல் படாதீர்கள். 
7. உடலுக்கு எரிச்சல் தரும் உணவு வகைகளைச் சாப்பிடாதீர்கள்.

இந்த இரண்டையும் கடைப்பிடித்தால் வயிற்றின் எரிச்சலைப் போக்கலாம்!