இரும்பு சத்து குறைவால் வரும் நோய்கள்/அறியாத தகவல்கள்- Medical Tamizha

 உடம்பில் இரும்பு இரும்பாக இல்லை. இரும்புச் சத்தாக இருந்து உயிரை இயக்குகிறது. இரும்புச் சத்து உடலுக்கு வலுவையும் வனப்பையும் தந்து நம்மை உயிர் வாழவைக்கிறது. உடலை வாழவைக்கிறது.

 இரும்பு இல்லையென்றால் இரத்த அணுக்கள் இல்லை. இரத்தம் இல்லை. ஆகவே இந்த உலகத்திற்கும் உடலுக்கும் இரும்பு, இரும்புச் சத்து எனப்படும் அயச் சத்து மிகமிகத் தேவையானது என்பதை கொண்டிருக்கிறது. 

இரும்புச்சத்து இரத்தத்திற்கும் நிறம் தருகிறது. பலம் தருகிறது. பிராண வாயுவை உடல் முழுவதும் கொண்டு செல்லும் பணியைச் செய்கிறது. இரும்புச்சத்து ஆண்களை விடப் பெண்களுக்கு இரும்புச் சத்து அதிகம் தேவை. அதைவிடக் குழந்தைகளுக்கு இரும்புச் சத்து அதிகம் தேவை என்று மருத்துவர்கள் சொல்லுகிறார்கள்.

நாள் ஒன்றுக்கு குழந்தைகளுக்கு ஒரு மில்லி கிராம் சத்தும், வயதானவர்களுக்குப் பத்து கிராம் இரும்புச் சத்தும், இளைஞர்களுக்கும் இளம் பெண்களுக்கும், கர்ப்பமான பெண்களுக்கும் 15 கிராம் இரும்புச் சத்தம் தேவைப்படும் என்று மருத்துவ விஞ்ஞானிகள் கண்டுபிடித்திருக்கிறார்கள்.

ஹிமோகுளோபின் என்னும் புரொட்டீன் சத்துடன் இரும்புச் சத்து சேர்ந்து நம் உடலை இயக்கிக் கொண்டிருக்கிறது. இந்தச் சத்துக் குறைவினால் அனீமியா என்ற இரத்தச் சோகைநோய் உண்டாகிறது. 

பாண்டுரோகம், காமாலை நோய் தோன்றுவதாகவும் சொல்லுகிறார்கள். மலேரியா. கொக்கிப் புழுக்களால் உடம்பில் இரத்தக் குறைவு ஏற்படுகிறது. இதை ஈடுசெய்ய இரத்தத்தில் இரும்புச் சத்து தேவைப்படுகிறது.

பெண்கள் மாதவிடாயின் காரணமாக வெளியாகும் இரத்தத்தின் மூலமாக இரும்புச் சத்தை இழக்கிறார்கள். இதை ஈடுசெய்ய இரும்புச் சத்து பெண்களுக்கு அதிகமாகத் தேவைப்படுகிறது.

 கர்ப்பமான பெண்கள் உணவு மூலம் இரும்புச் சத்தைப் பெறாமல்போனால் குழந்தைகளுக்கும் அதனால் பாதிக்கப்படுகின்றன. உடம்புக்குச் சோர்வும், பலவீனமும், இரத்தக் குறைவும் ஏற்படுவதால் உடல் மெலிந்து, நிறம் வெளுத்து நடமாடும் சக்தியையே இழந்து வருகிறார்கள் பலர்.

இரும்புச் சத்துக் குறைவால் உண்டாகும் சோகை மற்றும் நோய்களை வராமல் தடுக்கவும். வந்தபின் சமாளிக்கவும் எந்த மாதிரி உணவு வகைகளைச் சாப்பிடவேண்டும்?

ஆட்டு ஈரலில் இரும்புச் சத்தும் புரதச் சத்தும் நிறைந்திருப்பதாக ஆராய்ச்சியின் மூலம் கண்டறிந்து சொல்லுகிறார்கள். அசைவ உணவு சாப்பிடுகிறவர்கள் ஈரல் சாப்பிட வேண்டும் என்று மேலைநாட்டு மருத்துவர்கள் கூறுகிறார்கள். கல்லீரல் இந்தக் குறைபாட்டை ஈடு செய்கிறது.

சைவ உணவு சாப்பிடுபவர்கள் உருளைக்கிழங்கு வாழைக்காய், வாழைத் தண்டு, பூசணி, வெங்காயம், வெள்ளைப் பூண்டு, தக்காளி மற்றும் பருப்பு வகைகளை அதிகமாக உணவில் சேர்த்துகொள்ள வேண்டும்.

 முட்டையின் மஞ்சள் கருவில் இரும்புச்சத்து அதிகமாக இருக்கிறது. சுண்டைக்காய் வற்றல், சிறிய வகைப் பாகற்காயிலும் இரும்புச்சத்து அதிகம் இருக்கிறது. இவை தவிர வைட்டமின் B-12, வாட்டர் பெரீஸ் காம்பவுண்டு சிகப்பு லேபில் டானிக்கையும் சாப்பிடலாம்.

உடம்பு இரும்பைப்போல் உறுதியாக ஆக வேண்டுமானால் இரும்புச் சத்தை இழந்துவிடாதீர்கள்.