சைக்கிள் ஓட்டுவதால் உடலுக்கு கிடைக்கும் நன்மைகள்

 நடப்பது, நீந்துவது, படகு விடுவது, சைக்கிள் ஓட்டுவது இவை எல்லாம் மிதமான தேகப் பயிற்சிகள், இளைஞர்களும், முதியவர்களும் செய்யக் கூடிய ஒரு பயிற்சி சைக்கிள் சவாரி. சைக்கிள் ஓட்டுவதை நம் அவசியத்திற்காகச் செய்யப்படும் ஓர் அலுவலாக நினைக்கிறோம்.

 உடற்பயிற்சியாக எவரும் நினைப்பதில்லை. அமெரிக்காவில் உள்ள ஒரு பிரபல இருதய நோய் ஆராய்ச்சிக் கழகம், சைக்கிள் ஓட்டுவதை ஆராய்ச்சி செய்து இதனால் இருதய நோய்களைப் போக்கலாம் என்று கண்டுபிடித்திருக்கிறது. அமெரிக்காவில் இருதய நோயாளிகள் பெருகி வருவதால் இவர்களுக்குச் சைக்கிள் பயிற்சி அவசியம் தேவை என்று சொல்லியிருக்கிறார்கள்.

நாம் சாதாரணமாக உட்கார்ந்து கொண்டோ. நின்றுகொண்டோ, படுத்துக்கொண்டோ இருக்கும்போது இரு நிமிஷத்திற்கு இருபது தடவை சுவாசிக்கிறோம். அப்போது சுத்தமான காற்று இரத்தக் குழாய்கள் மூலம் உச்சி முதல் உள்ளங்களால் வரை சென்று திரும்புகிறது. இதனால் பிராண வாயு கிரசிக்கப்பட்டு, கரியமிலவாயு வெளியே தள்ளப்படுகிறது.

சாதாரண நிலையில் இரத்த ஓட்டம் மந்த கதியில் செல்கிறது. ஆனால் நடக்கும்போதோ, ஓடும் போதோ, சைக்கிள் சவாரி செய்யும் போதோ இரத்த ஓட்டம் துரிதமாக நடைபெறுகிறது. அதிகமான காற்றைச் சுவாசிக்க வாய்ப்பு ஏற்படுகிறது. இதனால் அதிக அளவில் கரியமில் வாயுவை வெளியேற்றமுடிகிறது.

சைக்கிள் ஓட்டும்போது இரண்டு கைகள் ஹாண்டில் பாரைப் பிடித்துக்கொண்டு திரும்பும் திசை எல்லாம் கை அசையவும், கால் பாதங்கள் மிதியை அழுத்தி, பெடல் சுற்றும்போது கால் எலும்புகளும், கெண்டைக்கால் தசைகளும், முட்டி, தொடைப் பகுதி மற்றும் இடுப்புப் பகுதியும் அதோடு சேர்ந்து வயிறும் அசைக்கப்படுவதால் கால்களும் வரும் இரத்தம் மேலே தள்ளப்பட்டு இருதயத்திற்குச் சென்று சுத்திகரிக்கப்படுகிறது. நல்ல ஜீரண சக்தி உண்டாகிறது. நரம்புகளுக்கும், எலும்புகளுக்கும் சைக்கிள் சவாரி வலுவூட்டுகிறது.

மலச்சிக்கலைப் போக்கவும், உடல் கனத்தை, ஊளை சதைகளைக் குறைக்கவும் மிகுந்த நன்மையைச் செய்கிறது நீணட நேர சைக்கிள் பயணங்களால் மூலநோய், விரைவீக்கம் ஏற்படுகிறது என்று சொல்லப்படுவது உண்மையே. எதுவும் அளவை மிஞ்சக் கூடாது.

பியூட்டி கிளினிக்குகளில் சைக்கிள் பயிற்சியையும் சிகிச்சை ஒரு செயல்படுகிறார்கள்.முறையாகச் சேர்த்துக்கொண்டு சைக்கிள் ஏழைகளின் வாகனம் என்று சொல்லப் பட்டாலும் இப்போது உடல்நலத்தைக் கருதிப் பணக்காரர்களின் வாகனமாக மாறிக்கொண்டு வருகிறது. எல்லா வயதினருக்கும் சாத்தியமான ஓர் உடற்பயிற்சிச் சாதனம் சைக்கிள். நம்மைச் சுமந்து கொண்டே நமக்கு நன்மை தரும் ஓர் இயந்திரம் சைக்கிள் என்பதை மறந்து விடாதீர்கள்.